இலங்கையில் 70 பில்லியன் வரை சம்பாதிக்கும் சீனி வர்த்தகர்கள்

உலக சந்தை விலைப்படி சீனி ஒரு கிலோ 92 ரூபாய்க்கு வாங்கி 98 ரூபாய்க்கு பொது மக்களுக்கு கொடுக்கலாம் என்று பாராளுமன்ற உறுப்பினர் பாட்டலி சம்பிக்க ரணவக்க, இன்று (30) தெரிவித்தார்.

92 ரூபாய்க்கு வாங்கக்கூடிய ஒரு கிலோ சீனியை 220 ரூபாய்க்கு விற்க அனுமதித்ததற்காக வர்த்தக அமைச்சர் பந்துல குணவர்தன இராஜினாமா செய்ய வேண்டும் என்றும் குறிப்பிட்டார்.

இராஜினாமா செய்யாமல், பொய்யான அறிக்கைகளைத் தொடர்ந்தால், அமைச்சர் அந்த மோசடியாளர்களிடமிருந்து தரகுப்பணத்தைப் பெறுகிறார் என்றும் குற்றஞ்சாட்டினார்.

கொழும்பு மார்க்ஸ் பெர்னாண்டோ மாவத்தையில் உள்ள எதிர்க் கட்சித் தலைவரின் அலுவலகத்தில் நடைபெற்ற ஊடகவியலாளர் சந்திப்பிலேயே அவர் இவ்விடயத்தைக் கூறினார். அவர் மேலும் குறிப்பிடுகையில்

சீனி ஒரு கிலோ இற்கு 100 ரூபாய்க்கு மேல் இலாபம் சம்பாதிக்கும் வர்த்தகர்கள், வருடத்துக்கு சுமார் 70 பில்லியன் ரூபாய் வரை சம்பாதிக்கிறார்கள் என்றும் அவர் சுட்டிக்காட்டினார்.

அரசாங்கத்தின் தவறான நிதி மற்றும் பொருளாதார திட்டங்களால் ஒக்டோபர் மாதத்துக்குள் நாட்டில் கடுமையான பஞ்சம் ஏற்படும் அபாயம் இருப்பதாக சம்பிக்க எம்.பி தெரிவித்தார்.

சீனி ஒரு கிலோ மூலம் 100 ரூபா இலாம் ஈட்டும் வர்த்தகர்கள்

இதேவேளை சந்தையில் சீனியின் விலை அதிகரித்துள்ள நிலையில் சந்தைகளில் சீனியின் நுகர்வும் அதிகரித்துள்ளதாக லங்கா சீனி நிறுவனம் அறிவித்துள்ளது. அதன் நிறைவேற்று பணிப்பாளர் காமினி ராசபுத்ர இதனை தெரிவித்துள்ளார்.

கொவிட்-19 காரணமாக நாட்டில் தனிமைப்படுத்தல் ஊரடங்கு அமுலில் உள்ளமையினால் மக்கள் சீனியை உபயோகிக்கும் அளவு அதிகரித்துள்ளதாகவும் அவர் சுட்டிக்காட்டியுள்ளார்.

Leave a Reply